活下來

一路上的成長,讓很多人對我改觀。特別是我爸爸和媽媽。當年,我是一個無目標,隨波逐流的女生。怕事,怕人。時間係可以改變一個人,從我去投稿再到我去新環境。我選擇了加入學生會,選擇了一條難走的路。

在身邊的人身上我看到了愛,無論是父母對仔女的愛。朋友對朋友的愛。愛充滿了世界。

06年6月份的某一天,那天我考兩校联招,中午一個人到了旺角的一間m記吃東西,等待下午的考試。

06年9月份的某一天,我和新認識的暨南人,一行多人在上下九m記吃東西。時間過得很快,從自己一個上路,到認識一大班人再上路。多謝暨南給我一個機會。

Linus斯@廣州記事

9月24日

做了十一年學生(無計幼稚園),第一個不用上學的開學日。你們第一日返學如何?掛念師長?同學?我最討厭是9月1日。又要上學了,又是早起。之前一兩天是趕暑期作業的日子,擔心做唔完交唔到功課。但之前又唔做,有多少人像我一樣?(建議小朋友不要學)

但距離我的開學還有兩星期,我的學習旅途一點都不易。我要做廣州的留學生了,我稱他為「旅學」。點解我會咁講,係因為人生正是一條長路,又像旅行。一面去見識世界,又一邊去學習。無論是書本上還是自身,都是一場的學習。

在香港讀中六的朋友,你們要兩年後面對A-Level了。努力。而我這個「旅學生」(女學生),要走上我的預科路,暨大安排得我在預科B班一定有他的理由。他大可以將我安排到C班,D班。Anyway,先多謝暨大給我上預科的機會,給我去留學廣州的機會。我一定會考好考試,入新聞系(含國際方向)。但我現在首要的是打好我的拼音輸入法。哈哈。

未來在內地發展還是回港現在都是未知的,但目標有了,要去做。

先訂下一些今年的目標先。

• 至少一個月返香港一次
• 考到新聞系
• 認識到港澳台的朋友仔
• 打好拼音
• 學會獨立
• 不要學壞
• 把我的普通話說得最好
• 吃在廣州
• 得閒去找表姐玩
• 去天河城吉之島掃貨
• 去認識內地音樂市場
• 得閒買野孝敬阿媽
• 去廣州買結他….(可能香港帶上去)

 XDDD我的目標很無謂。應該說成想做的事。XDDDD

祝福大家,祝福自己,祝福所有學生。

新學年Linus祝所有學生學業進步,訂立目標。

第一課    防人之心不可無

分享一個經歷,幾個月前在Uwants論壇識左一個讀暨大的學生,咁咪add佢啦。佢第一句問我叫咩名(中文全名),咁我一定唔答啦,除左Cola老師知我中文名之外,真係無咩人知,當然還有msn中某部份人會知,因為是真實世界上的朋友。他是一個男仔,之後又話遲D搵我,又話出黎見面,又話介紹女仔同我同房。妖,我都唔識你,想點。之後無耐,佢又話介紹女仔我識。我同佢講不用了,之後我Black List了他。係咪好賤?咁真係,我同佢又唔識,又唔知佢係咩人,又唔知佢D女仔係咩人。不停咁話介紹女仔給我,有咩企圖?

咁我Black list左佢啦,點知有個女仔add我,問我係唔係讀華文學院,問我係唔係搵同房。我覺得奇怪,點解有人會有我MSN,咁我問佢啦,佢話係Andy給她的。Andy正是那個男仔,妖。我都話不用了,做咩仲搵個女仔add我。我同個女仔講不用了,我等學校安排給我。一來我又唔知你係咩人,同埋我又未認清你,又唔知你同個男仔會唔會夾埋。我做咩要同你同房,當我傻咩。

都市人提提你:世途險惡,請帶眼識人,要保護自己,上網要小心。